Ég sá þetta á blogg síðu áðan þegar ég var að vafra um á netinu eins og maður gerir svona endrum og sinnum og fannst þetta bara svo brilljant að ég ákvað að ég yrði að koma þessu legnra og setja þetta hérna inn.... þetta er eitthvað til að hugsa aðeins þegar manni líður eitthvað illa með sjálfan sig og þá einkum neðri parturinn af þessu.  

Ef samsetning jarðarbúa væri heimfærð yfir á 100 manna þorp á Íslandi myndi samsetning íbúa vera skv. eftirfarandi:

57 asískir (57%). 21 evrópskir (21%), 14 amerískir( norður- og suðuramerískir) (14%), 8 afrískir (8%)

52 konur, 48 karlar, 70 dökkir, 30 hvítir, 89% gagnkynhneigðir, 11% samkynhneigðir

6 manns myndu eiga 59% öllum auði heimsins og allir væru þeir frá Bandaríkjum norður ameríku.

80 myndu búa við slæm lífsskilyrði.

70 myndu vera ómenntaðir.

50 væru vannærðir

1 myndi deyja

2 myndu fæðast

1 ætti tölvu

1 (aðeins einn!) myndi hafa æðri menntun

Þegar þú lítur á heiminn frá þessu sjónarhorni, getur þú séð að í heiminum er virkileg þörf á samstöðu, skilningi, þolinmæði og menntun.

Veltu því einnig fyrir þér að:

- ef þú vaknaðir með fulla heilsu í morgun, ertu lánsamari en sú ein milljón jarðarbúa sem mun ekki lifa af næstu viku.

- ef þú hefur aldrei þurft að búa við styrjaldarátök, þá tortímandi kvöl sem fylgir innilokun í fangaklefa, eða hungur,

ertu lánsamari en 500 milljónir manna í heiminum.

- ef þú getur farið í kirkju án ótta við fangelsun eða dauða ertu lánsamari en 3 milljónir manna í heiminum.

- ef það er matur í ískápnum þínum og þú átt föt og skó, átt rúm og þak yfir höfuðið, ertu ríkari en 75% mannkyns!

- ef þú átt bankareikning, peninga í veskinu þínu og smáaura í bauknum, tilheyrir þú þeim 8% af fólki í heiminum sem telst vera að gera það gott! Ef þú gast lesið ofangreint býrðu við þrefalda blessun því að:

1. einhver hugsaði til þín

2 þú tilheyrir ekki þeim 200 milljónum manna sem kunna ekki að lesa.

3 . og ... þú átt tölvu!

Eins og einhver sagði einhverntíman:

- 'Sinntu starfi þínu eins og þú þarfnist ekki peninganna,

- Elskaðu eins og þú hafir aldrei verið særð(ur) ,

- Dansaðu eins og enginn sjái til þín, Syngdu eins og enginn geti heyrt til þín,

- Lifðu, eins og jörðin sé Himnaríki.'

.

Byrjaðu nú að lifa lífinu og hættu að hafa áhyggjur.

Þú veist ekki hvað þú ert heppin/n!
(eða hvað?)

já, klapp klapp... íslendingar eru að mótmæla... get ekki sagt annað en til hamingju, við erum að læra þetta.
ég verð að segja, ég hefði nú alveg verið til í að lenda í þessum mótmælum... hins vegar, bara svona ein pæling varðandi þetta allt saman hjá vöruflutningabílstjórum... afhverju taka þeir sig ekki saman um að loka á morguntraffíkina heldur en í hádeginu... þeir myndu valda miklu meiri látum og ólgu þannig, og kannski myndu einhverjir ráðamenn þá lenda í þessu á leið sinni í vinnuna, en ekki bara heyra af þessu öllu saman í fjölmiðlum
annars segi ég bara yfir og út... áfram atvinnubílstjórar og við íslendingar almennt

Góðan daginn kæru lesendur.
Vona að páskahelgin hafi verið góð hjá ykkur. Allavega, mín var alveg hrillilega löng. Það stóð til að fara vestur á miðvikudagskvöldið með gamla settinu mínu. Settið var að leiðinni að sækja okkur þegar ég sá að barnið mitt var kominn með hlaupabólu... Já, þá er það allavega afstaðið, en ekki neitt sérlega gaman að eyða páskunum í þetta, en svona er þetta bara. Þar sem settið var lagt af stað til að sækja okkur komu þau aðeins við hjá okkur, en við fórum ekki með þeim, enda ekkert sniðugt að fara kannski í óbyggðir þegar barnið er "veikt". Vildi frekar bíða með að fara í einn dag og sjá hvernig honum liði litla greyinu, en VÁ!! ég hef aldrei séð barnið mitt jafn móðgað út í ömmu sína og afa þegar hann fattaði að hann væri ekki á leiðinni í sveitina með þeim. Hann gat ekki horft á þau og neitaði að kveðja þau þegar þau fóru aftur. Hins vegar, þá fékk hann ekki nema nokkrar kommur af þessu þannig að við ákváðum að skella okkur með Ragnheiði systur hennar mömmu og manninum hennar á fimmtudeginum, og vorum fyrir vestan í mömmu/ömmu degri fram á laugardag þegar Hjálmar kom að sækja okkur.
Ég verð nú að segja að það er svoldið fyndið hvað lífið virðist fara í hálfgerða hringi, en þarna fyrir vestan voru tvær dætur vinafólks mömmu og pabba sem að ég passaði alveg rosalega mikið hérna í den, og þær voru ekkert smá góðar við litlu hlaupabóluna mína og hnoðuðust með hann og léku við hann allan tíman sem við vorum þarna, ekkert smá gott, gaf mér smá frið líka, en hins vegar ef að eitthvað var að, ef hann meiddi sig eitthvað eða eitthvað svoliðis þá var það bara elsku beta mamma mín... ekki einu sinni afi mátti koma nálægt honum.
Á laugardaginn var allri sveitinni boðið í bíó í íþróttahúsinu á Reykhólum þar sem var verið að sýna nýju íslensku myndina Heiðin. Þið verðið bara að fyrirgefa, en ég held ég hafi bara aldrei séð jafn leiðinlega mynd... fínt efni í stuttmynd, en ekki heila bíómynd... við fórum í miðri mynd, það er allt að þessari mynd held ég. Mæli ekki með þessari mynd, og ég veit að það voru fleiri sem eru sammála mér í þessari skoðun minni....
En allavega, sunnudagurinn var fínn... átum páskaegg og horfðum á teiknimyndir með barninu og svo kom Elsa til mín að horfa á enska boltan með mér... Ég er eiginlega að spá í að fara ekkert út í leik Liverpool og Man.United... hann var bara grín að mínu mati... en leikur Arsenal og Chelsea var allt annað... mjög góð skemmtun og allt í góðu með þann leik. Eftir leikina fór Elsa mín heim i páskamat og við fórum til ömmu og afa í páskalamb. Það var mjög nice hjá ömmu, fullt af börnum fyrir litlu hlaupabóluna til að leika við, enda voru þau öll búin með þetta, og rosa lega gaman að hitta þrár litlar frænkur.
Svo var nú ekki mikið meira gert um páskana,held allavega að ég sé ekki að gleyma að segja frá neinu. En núna er ég að spá í að skreppa aðeins út og fá mér eitthvað að borða, enda komið hádegi.
kveðja

...Gleðilega PÁSKA......
Annars er ég að fara vestur á Melbæ með gamla settinu mínu og barninu núna á eftir, þ.e. þegar ég er búin að vinna, sækja barnið og pakka niður einhverju dóti fyrir okkur.  Við ætlum að vera fyrir vestan fram á laugardag, en þá ætlar Hjálmar að koma og sækja okkur, en hann verður víst að vinna þessi elska, væri alveg til í að hafa hann með okkur, en svona er þetta bara... ef maður þarf að vinna þá gerir maður það víst... sérstaklega þegar maður er að reyna að fá sem mest útborgað til að geta staðið við skuldbyndingar sínar.

En jæja, langaði nú bara svona rétt til að henda kveðjunni inn og svo halda áfram að vinna....

Lawyers should never ask a Mississippi grandma a question if they aren't prepared for the answer.

In a trial, a Southern small-town prosecuting attorney called his first witness, a grandmotherly, elderly woman to the stand. He approached her and asked, 'Mrs. Jones, do you know me?' She responded, 'Why, yes, I do know you, Mr. Williams. I've known you since you were a boy, and frankly, you've been a big disappointment to me. You lie, you cheat on your wife, and you manipulate people and talk about them behind their backs. You think you're a big shot when you haven't the brains to realize you'll never amount to anything more than a two-bit paper pusher. Yes, I know you.'

The lawyer was stunned. Not knowing what else to do, he pointed across the room and asked, 'Mrs. Jones, do you know the defense attorney?'

She again replied, 'Why yes, I do. I've known Mr. Bradley since he was a
youngster, too. He's lazy, bigoted, and he has a drinking problem. He can't build a normal relationship with anyone, and his law practice is one of the worst in the entire state. Not to mention he cheated on his wife with three different women. One of them was your wife. Yes, I know him.'

The defense attorney nearly died.

The judge asked both counselors to approach the bench and, in a very quiet voice, said,
'If either of you idiots asks her if she knows me, I'll send you both to the electric chair.'

já, það má segja að ég sé haldin miklu bloggleti þessa dagana, kannski fer eitthvað að bætast úr því hjá mér, án þess að ég lofi einhverju um það.
Allavega, fréttir af mér og mínum. Snúðurinn minn er orðin 3ja ára og við héldum upp á afmælið hans með nánustu fjölskyldu og vinum ef svo má segja. Hann fékk fult af flottum afmælisgjöfum og var bara rosalega gaman hjá honum. Hann er alltaf að stækka og farin að koma með fullt af mjög svo skemmtilegum kommentum um lífið og tilveruna. Eins og um daginn sagist hann ætla að vera heima hjá sér alla vikuna... veit ekki hvaðan þetta kom en allavega, hann ætlaði að vera heima það var alveg á hreinu. Nú svo vill  hann alltaf að pabbi sinn fari með sig á leikskólann og sæki sig, enda finnst honum svo gaman að fara í pabba bíl, enda er hann stór og flottur.
Nú, svo er ég líka búin að kaupa mér nýjan bíl í staðinn fyrir Östruna. Þetta hófst að lokum. Fékk mér lítinn sætan Yaris. Hann er hvítur... og ég verð nú að segja að ég hélt ég ætti nú ekki eftir að fá mér hvítan bíl, en ég verð nú bara að segja að ég er alveg rosalega sátt með bílinn... enda eyðir hann ekki bensíni sem er náttúrulega bara frábært þegar bensínverðið er svona dýrt.
Ég fékk langa helgi núna um helgina, en ég var í fríi á föstudaginn þar sem ég fór ekki út til Danmerkur í árshátíðarferð með vinnunni, og þá átti ég inni smá frí í staðinn. Ekkert smá nice að fá svona langa helgi en ég hefði nú alveg verið til í að vera heima í dag líka en það er nú ekki hægt, maður þarf að mæta til vinnu. Allavega, ég get ekki sagt annað en að föstudagurinn hafi verið vel nýttur, ég tók allt vel til og þreif heima hjá mér. Svo á föstudagskvöldið fengum við tvo vini hans Hjálmars í heimsókn og fengum okkur smá bjór heima og fórum svo í smá stund á Players. Laugardagurinn fór í þynku og horfa á Liverpool vinna 3-0 sigur á Newcastle og lesa bók.
Svo í gær tókum við sunnudagsbíltúr upp í Borgarnes og kíktum á nýju fínu íbúðina hennar Guðnýjar og Fannars. Ekkert smá fín íbúð verð ég nú að segja. Og alveg greinilegt að það fer vel um þau þarna.
Nú annars er nú ekki mikið meira í fréttum í bili held ég, allavega ekki sem ég man eftir að segja í bili, kannski verð ég duglegri á næstunni að blogga... hver veit
kveðja úr Kópavoginum

Ég verð bara að koma á framfæri hneykslun mína hérna. Ég er komin með í augað enn eina ferðina enn... Það eitt og sér er nú ekki frá sögu færandi, en að ég þurfti náttúrulega að fara og heimsækja augnlækninn minn, en hún er víst ekki við á miðvikudögum, bara mánudögum og fimmtudögum, svo að ég fékk að hitta einhvern annan lækni. Ég var inni hjá henni í svona 5-10 mín. Hún sagði mér það sem ég vissi, lét mig hafa lyfseðil fyrir dropunum sem ég þarf að nota til að ná bólgunni niður og sagði mér síðan hvernig ég ætti að trappa þetta niður, allt saman eins og alltaf.... sama rullan enn eina ferðina enn... svo prentaði hún út reikninginn.... 3500 kr. Ég sé að ég hefði átt að fara læra augnlækningar.... greinilega good money í þeim bransanum. En þar sem ég er farin að nota þessa blessuðu dropa þá má búast við mér einhver staðar með sólgleyraugu þótt engin sól sé úti. það verður bara töff held ég...

En hvað er málið með þetta veður... Maður hefur ekki séð alvöru vetur hér á klakanum í mörg ár. Svo allt í einu, þa er bara búinn að vera njór hérna í Reykjavíkinni í margar vikur núna, og nánast snjóstormur útivið og allt í klessu. Það tók mig um klukkutíma að koma barninu í leikskólann og mér í vinnuna. Allt í snjó og læti bara.

Annars, ég hef ekki mikið meira að segja að sinni. Verðum bara í bandi kæru lesendur.

 

Það eru komnar nýjar myndir á síðuna hjá Barninu.

Annars er nú bara allt gott að frétta af okkur þannig lagað séð. Búið að borða nokkrar bollur í tilefni bolludagsins og einnig saltkjöt og baunir í tilefni af sprengjudeginum. Og svo fór barnið sem Liverpool maður í leikskólann í dag í tilefni af öskudeginum.

Nokkrir á msninu mínu eru búnir að vera velta fyrir sér bílamálnunum mínum að undanförnu. Málið er að bílinn minn fékk sínar 15 mín. frægð um daginn, en hann kom fram á vísir.is og í Ísland í dag. Ástæðan er einföld, það var verið að fjalla um nýja þáttinn á Stöð 2, Hæðina, en Hjálmar minn er að vinna þar þessa dagana, þe. hann er að mála húsin áður en leikurinn hefst og þá var þar þegar það var verið að kynna fólkið sem mun taka þátt í þættinum.

Nú svona fréttir af barninu. Hann er hættur með bleyju að mestu leyti. Hann sefur ennþá með hana, en annars er það bara klósettið eða koppurinn. Ekkert smá duglegur. Svo er hann að verða 3ja ára eftir nokkra daga, ekkert smá hvað þessi blessaði tími er fljótur að líða.

Annars er bara nóg að gera í vinnunni, og er ég því að spá í að halda áfram að vinna.

Kveðja

Hvað sagði ég þegar umræðan fór í gang um að setja Reykingabannið á Íslandi? Ég sagði þetta vera allt í góðu yfir sumarið, en svo þegar það færi að kólna og koma snjór og bara þetta venjulega íslenska veður þá færi þetta í vasin. Ég get ekki betur séð en að þetta hafi verið rétt hjá mér. Ef maður skoðar visir.is í dag og í gær má sjá þetta. Auðvitað horfuð menn til landa sem hafa sett svona bann á undan okkur og sögðu þetta ekki vera neitt mál, en ég meina, það er ekki hægt að horfa fram hjá því að íslenkst veðurfar er ólíkt flest öllu sem gerist annars saðar í heiminum svo að það var ekki marktækt að mínu mati.

En allavega, ég ætlaði nú ekkert sérstaklega að vera monta mig af því að hafa haft rétt fyrir mér. Aðalega ætlaði ég nú að láta vita af því að ég er á LÍFI og bara vel það. Ekki mikið að frétta í sjálfu sér, annað en að ég er bara hress, unnusti minn (já, hann er unnusti minn núna) er reyndar svoldið slappur, en annars eru allir hressir.

Svo var ég að átta mig á því að það er að koma bollu, sprengju og öskudagur í næstu viku!!! Vá, þetta er að koma mjög snemma í ár finnst mér, en hey!! bara gaman að þessu og ég er að fara kaupa einhvern rosa flottan búning á barnið mitt. Ætla nú samt að athuga hvort að það verði ekki alveg pottþétt haldið upp á þennan dag í leikskólanum fyst

Nú svo annars er guttinn minn litli að verða 3ja ára eftir nokkra daga, nánar tiltekið eftir 20 daga. Pælið í því hvað tíminn er fljótur að líða, hann var bara ný fæddur um daginn, svo allt í einu farinn að tala á fullu og hlaupa út um allt. Gaman að þessu og best að reyna að njóta þess á meðan á því stendur

En jæja, hafið það sem allra best í kuldakastinu sem er að koma og munið að klæða ykkur vel

Nú er Ernir Snær búin að vera lasin undanfarna tvo daga og ég var heima eftir hádegi í dag með honum og því fengið frið þannig lagað séð til að fylgjast með því sem er búið að vera að gerast í Ráðhúsi Reykjavíkur í dag.

Ég verð að segja að ég hef gaman að því að sjá Íslendinga mótmæla þegar þeim er misboðið, því allir þeir sem þekkja íslendinga vita að við erum ekki þekkt fyrir að mótmæla einu eða neinu. En allavega, ég ætlaði mér nú ekki að ræða það svo sem mikið meira, en það sem ég er helst að pæla í er, að ég var að horfa á Ísland í dag þar sem Ólafur F. var í viðtali sem nýr borgarstjóri Reykjavíkur. Hann talaði um að hann væri að koma málefnum sínum á framfæri sem hann væri búin að vera að berjast fyrir og hafi verið að ræða um í síðustu kosningum. Nú man ég ekki alveg hver nákvæmar tölur voru úr þeim kosningum, en ég veit fyrir víst að frjáslyndir voru ekki með allt of mikið fylgi, eða undir 10% fylgi. Þá kem ég í raun að minni spurningu: Er rétt að flokkur með svona lítið fylgi á bak við sig fái svona mikið af sínum málefnum fram? Ég meina, ef þetta væru málefni sem íbúar Reykjavíkur vildu sjá gerast, hefðu þá ekki fleiri kosið þennan flott?? það sem þykir verst við þetta er að það virðist engin pæla í þessum hlut í þessu öllu saman.

Allavega, kannski skín pínulítið úr þessum hjá mér að ég er ekki sátt við nýjan meirihluta, enda er ég ekki hrifin af því að sjá Villa aftur í borgarstjórastólinn, enda held ég að þetta sé mjög undirförull maður og kann ekki að koma hreint fram.

En jæja, best að sinna veiku barni.

Jæja, þá er nú kannski kominn tími á að henda inn eins og einni færslu. Ég held að jólafríið mitt sem ég er búin að taka mér núna í blogginu sé orðið nógu langt.

Allavega, jólin hjá mér voru næstum því allt of góð verð ég nú að segja. Það var alveg virkilega mikið borðað og bara roslaega kósí að vera í svona löngu fríi og eiga tíma með manni og barni. Milli jóla og nýárs var svo unnið í einn og hálfan dag. Svo var farið aftur í gott frí.

Áramótin hjá okkur litlu fjölskyldu voru í meira lagi vel heppnuð. Við fórum í mat til systur hennar mömmu fengum þennan fína kalkún sem mamma hafði eldað. Nú í þessu matarboði náði hann Hjálmar minn að koma mér alveg heldur betur á óvart. Nú kannski eins og sum ykkar vita orðið þá trúlofum við okkur nefnilega á gamlárskvöld Jamm, ég er sem sagt orðin lofuð kona. En þetta var samt ekkert smá sætt hjá Hjálmari, ég hafði sko ekki hugmynd um að hann ætlaði að biðja mín. En allavega, þetta var sko þannig að á matarborðinu voru svona knöll með ísl.málháttum inní og einhverju smádóti. Minn málsháttur var: "Gott eiga giftir, en guð hjálpi mér" og málshátturinn hans Hjálmars var: "Góð kona er gulls ígildi." Allir áttu að lesa upp sinn málshátt fyrir alla sem voru við borðið, og ég byrjaði, svo þegar kom að Hjálmari þá bað hann mig um að standa upp með sér og las þann sem ég fékk og sinn svo. Þegar hann var búinn að því tók hann fram hringana og bað mín... ekkert smá sætt hjá honum en ég get svo svarið það, ég hafði ekki hugmynd um þetta og rétt náði að stinja upp "já". En það kom þó. Ernir Snæ leist samt ekkert á að mamma væri að kyssa pabba eitthvað eftir þetta, og bað mömmu sína vinsamegast að hætta að kyssa pabba. En að er alveg roaleg hamingja með þetta hjá okkur og við erum að gæla við þá hugmynd að gifta okkur bara vor/sumar 2009 (það er ekki ennþá komin dagsetning, en hún kemur). Svo seinna um kvöldið fórum við til Siggu vinkonu og vorum þar um miðnætti og alveg fram til að verða 3 held ég. Og það sem meira er, börnin okkar (dóttir hennar Dagnýar líka) voru ekkert smá þæg og góð, þetta var satt best að segja næstum því eins og við værum ekki með börnin okkar þarna með okkur þau voru svo góð.

Nú svo er Hjálmar orðin 25 ára, héldum svaka partý heima á laugardaginn. Vorum með svona Hawaiian þema heim og roslega gaman hjá okkur og ég held bara rosalega vel heppnað partý hjá okkur. Ösp frænka og Nonni komu á undan í mat með litla sæta Hreiðar Ægir með sér og buðum við þeim upp á rosalega gott lambalæri. Nammi namm fannst mér allavega. Og lagnar mig nú bara svona til að þakka öllum fyrir komuna, þe. þeir sem komust.

Annars er nú ekki mikið meira að frétta í bili held ég. Sjáumst síðar.

 

1. Maturinn sem þú borðar þegar enginn sér til hefur engar kaloríur.

2. Þegar þú borðar með öðrum eru einungis kaloríur í matnum sem þú borðar umfram þá.

3. Matur, sem er neytt af læknisfræðilegum ástæðum til dæmis jólaglögg, heitt súkkulaði, rauðvín og fleira, inniheldur aldrei kaloríur því hann er góður fyrir hjartað. Að minnsta kosti í hófi.

4. Því meira sem þú fitar þá sem þú umgengst daglega því grennri sýnist þú.

5. Matur á borð við poppkorn, kartöfluflögur, hnetur, gos, súkkulaði og brjóstsykur, sem er borðaður í kvikmyndahúsi eða þegar horft er á myndband, er kaloríulaus vegna þess að hann er hluti af skemmtuninni.

6. Kökusneiðar og smákökur innihalda ekki kaloríur þar sem þær molna úr þegar bitið er í þær.

7. Allt sem er sleikt af sleikjum, sleifum og innan úr skálum eða sem ratar upp í þig á meðan þú eldar matinn inniheldur ekki kaloríur vegna þess að þetta er liður í matseldinni.

8. Matur sem hefur sams konar lit hefur sama kaloríufjölda til dæmis tómatar = jarðarberjasulta, næpur = hvítt súkkulaði.

9. Matur sem er frosinn inniheldur ekki kaloríur því kaloríur eru hitaeiningar (tekið af síðunni: http://www.visir.is/article/20071203/JOL/112030161/1239/jol)

Ég verð bara að segja að þetta er brilljant á allan hátt og eitthvað sem allir ættu að tileinka sér um jólin, ef ekki bara á fleiri árstíðum líkt og um páska

Ég segi því bara hafið það gott fram að jólum...

kveðja

Mig langaði nú bara til að óska Ösp frænku og Jón Grétari innilega til hamingju með litla prinsinn sinn. Hann fæddist í gærkvöldi  og var 16 merkur og 52 cm.

Get ekki beðið eftir að hitta litla frændann minn

Jæja kæru lesendur. Ég vona að þið séuð í jafn góðu skapi og ég. Ég vaknaði bara í þessu líka svakalega góða skapi. Þetta verður sko góður dagur.

Talandi um góða daga. Í gær eftir vinnu gerðum við okkur hérna í vinnunni glaðan dag. Við fórum á Minjasafn Reykjavíkur í gær þegar við vorum búin að vinna, svo fórum við út að borða á Fjalarköttinn. Vá!! við fengum rosalega fínan mat þar. Þetta byrjaði allt á því að við fengum rúgbrauð með síld, sem var ágætt, en ég er ekkert sérlega hrifin af síld, en hún var nú samt ágæt. Svo fengum við skógardúfu. Ég verð nú að segja að hún var mjög góð, minnti mig reyndar svolið á lunda eða eitthvað álíka, svo fengum við hörpuskel... og umm... það finnst mér ekkert smá gott. Svo kom svona aðalrétturinn, sem var hreindýr... úúú... það var ekkert smá gott. Svo endaði kvöldið á því að við fengum eftirréttinn.. sem var einhver súkkulaði/sídrónu búðingur og ís. Ég verð nú bara að segja takk fyrir kvöldið... svona ef að þau skildu lesa þetta

Nú annars er nú ekki mikið að frétta þannig lagað séð. Ernir er orðin svo mikill snillingur að tala. Hann sagði við pabba sinn að hann mætti ekki keyra hratt og að hann ætti bara að keyra í pollana, en þetta var í gærkvöldi og það voru engir pollar til að keyra nei, þá kemur í barninu, já pabbi keyra í pollana bara á morgun... og viti menn, pabbi hans þurfti sko að keyra í pollana í morgun... því eins og þið sem eruð vöknuð kannski tókuð eftir að það er alveg helli rigning úti í dag... reyndar bara alveg skíta veður, því að það er ekki bara rigning heldur líka rok... ullabjakk

En jæja, best að fara koma sér að verki hérna í vinnunni og hætta þessu bloggi... eigið góða helgi, og verið dugleg að kvitta kæru lesendur

Góðan daginn kæru lesendur.

 Ég var að horfa  á sjónvarpið í gær. Það er nú svo sem ekkert merkilegt þannig lagað séð, en ég hef mikið verið að hugsa eftir þetta. Kastljósið var að fjalla um það hvort það ætti að banna ákveðna tegund af auglýsingum á þeim tímum sem að börn geta verið að horfa. Jújú, ég er alveg sammála þessu fólki með það að skindibitastaðirnir eiga ekkert með það að vera að reyna fá börin til að borða meira af þessu rusli. En hey! hver er það sem ber ábyrgð á þessu elskulegu börn. Sjónvarpið er ekki barnapía, en það er blákaldur sannleikur að sumir foreldrar virðast nota það sem slíkt. Þannig gera þau börnin sín berskjölduð fyrir þessum auglýsingum. En á að banna þetta, er það hægt jafnvel. Ég veit vel að ein af þeim rökum þeirra sem eru þessu fylgjandi er að offita barna sé að verða allt of mikil og eitthvað verði að gera.

Jújú, offita er vandamál. En offita barna er ekki vandamál stjórnvalda beint. Eru það ekki foreldrar barna sem eiga að sjá fyrir hollu og góðu matarræði fyrir börnin sín. Eru það ekki við foreldrar sem eigum að hafa vit fyrir börnunum okkar og geta sagt nei við þau þegar þau eru að biðja um eitthvað sem er þeim ekki hollt. Börn þurfa ákveðið uppeldi, og það er að mínu mati ekki hægt að kalla það uppeldi ef að barnið stjórnar heimilinu, hvað er borðað og þess háttar. Við verðum að passa okkur í þessum efnum. Segjum NEI við börnin okkar, það er holt. Ég viðurkenni reyndar, stundum þegar við erum heima að reyna að ákveða hvað við eigum að hafa í matin á kvöldin, þá spyrjum við strákinn hvað hann vilji borða, en það er aðalega af því að við höfum svo gaman af því að sjá hverju hann svarar. Hann nefnilega getur sagt hina ýsmu hluti. Ég man eitt sinn þá vildi hann bara fá malakoff í kvöldmat, ég meina, auvitað er ekki farið eftir þessu, en bara gaman að sjá hvað honum dettur í hug þessar elsku.

Síðan er nú annað sem að ég sá í þessu blessaða sjónvarpi. Það var einhver þáttur á RÚV um mann sem þurfti að hafa í heilaskurðaðgerð og læknarnir kældu líkama hans svo mikið niður að hann dó. Svo grufluðu þeir eitthvað í heilanum á honum, og losuðu hann við gúlp sem hann var með við heilan, sem tók víst bara 17 mínutur, (ég vil taka það fram að í raun var maðurinn dáinn í þessar 17 mín. ) og lífguðu hann svo aftur við með því að hita líkaman upp.

Vilið þið pæla í þessu. Hversu langt erum við komin í læknavísindum þegar læknar geta drepið sjúklinga sína til að lækna þá. VÁ!!! ég segi nú ekki annað... ég var alveg hreint agndofa yfir þessu öllu saman.

En jæja, annar er bara allt gott að frétta af mér og mínum. Við erum náttúrulega flutt og erum bara alveg að verða búin að koma okkur fyrir. Íbúðin er æði, og það er alveg möguleiki á að það verði partý á laugardaginn... bara svona þið vitið af því

En hey, eitt enn... koma svo og kvitta... mig langar að vita hverjir eru að skoða þessa síðu, ég er að fá svo svakalega margar heimsóknir hérna á dag núna... kvitta .... kvitta... kvitta... annars læsi ég síðunni urr... mín er bara reið sko

hafið það annars bara gott